Drini Web

The half day of the first one in London

2010-10-31T11:32:00.013+01:00

Perballe Tower Bridge, kapuçino dhe muzike Jazz ne sfond. Nuk kisha mundesi te mos merrja stilolapsin dhe nje flete te bardhe per te hedhur pershtypjet e para per kete qytet ku kontakti me te quhet magjepsje.

Djellin sapo e kane zene rete e dendura, te cilat megjithe kembenguljen e tyre nuk ja heqin dot sharmin kesaj pamje madheshtore. Atmosferen e prishin here pas here zerat e zhurmshem te kamarjereve italiane, te cilet me humorin e tyre bejne per vete disa vajza ruse te ulura jo larg. Mendova duke tundur koken qe keta italianet edhe ketu ne Londer nuk harrojne Le Savoir Faire, sigurisht qe per kapuçinon e kisha fjalen.

Udhetimi per ne Londer filloi me nje propozim, vazhdoi me nje zile te harruar per tu zgjuar ne urgjence dhe u krye me zogun e nendheshem te La Manche, i cili ne dy ore nuk la kokrize rere dhe metra kub uje pa levizur per te na çuar ne destinacion.

Pasi pershendeta valixhet me hotelin dhe motivova kembet e nje djali gjeologu e lashe veten ne doren e dallgeve te rrugeve gazmore. Nuk i kam fort qejf programet ne raste te tilla, keshtu qe me harten si udherrefyese te mire dhe aparatin fotografik si historian besnik bera perpara ne njohjen time te pare me kete qytet, qe kendshem me habiste pas çdo rrugice, ndertese me tulla te kuqe, parku apo sheshi madheshtor.

Ne 12.00 me oren angleze duhet te isha prane gjysmes time ne London Wall Street per nje drekim familjar. Ne kembe dhe me djellin qe ngroh Londra eshte ah sa mikepritese. Me shpalosi shume virtyte te saj megjithese e di qe jo te gjitha. Normal i thashe vetes buzagaz jo te gjitha bukurite qe me udhetimin e pare.

Ne nje park te vogel aty prane rrezet e djellit na perkedhelnin teksa te ulur ne nje stol veshtronim qiellin e kalter Londinez.

E dua pranveren

2010-07-08T23:10:00.002+02:00

Nuk e di saktesisht kur kam filluar ta dua Pranveren. Reth femijerise besoj. Hiqnim xhupat, mimozat kishin çelur dhe me aromen e tyre na ftonin ne gostine gazmore te ajrit pranveror, prindi na kishte vene veroret dhe futbolli poshte pallatit nuk te linte as te lije çanten ne shtepi, aq shume me rrihte zemra per te luajtur. Pastaj ai pallati 8 tek Varri Bamit kishte sharmin e vet.

Nje shok pallati nje dite me propozoi qe te ndertonim nje shtepize ne majen e pemes se ullirit qe gjendej pikerisht midis pallatit tete dhe nente. Kjo peme ulliri shekullore mbarte shume kujtime, kishte vizituar shume epoka, kishte qene gardiani i varrezave perpara se parafabrikatet tona te çvarrosnin te shkretet qe preheshin te qete ne kete pjese parajse te perkedhelur nga mali i Dajtit. Kjo peme ishte e lidhur me shume kujtime te bukura dhe te shemtuara.

Ideja ishte e bukur por e pa imagjinushme per mua. Nga do t’ja fillonim, me çfare do ta ndertonim, shume pyetje kalonin poshte flokeve te mi naten perpara se te fillonim vepren tone.

E djele. Shume entuziast zbres shkallet nxitimthi dhe takoj Erionin, i cili po me priste po me aq entuziazem mikprites. Me nxjerr perpara syve dy topa te medhenj me tela bakri. Shume shpejt makete te tera ndertoheshin dhe prisheshin dhe perseri ndertoheshin ne koken time. Hipem qe te dy ne peme dhe filluam ta ndertojme. Kur perfunduam, mbasdite vone, shtepiza jone ishte shume larg asaj te ciles kishim projektuar, aq e çregullt dhe e pa forme kishte dale. Por ne ishim shume krenar dhe te lumturuar pasi ishte Vila jone. Lumturia jone do te ishte akoma me e madhe te nesermen, kur diten vume re qe ajo ishte e padukshme. Gjethet e mbulonin me se miri dhe ne shihnim ndeshjet e volejbollit midis ekipeve te dy pallateve sikur te ishim arbitra pa pasur ate ndjesine e keqe per te vendosur se kujt I perkiste pika dhe ne te njejten kohe te merrje rrufete e ekipit kundershtar, por me kenaqesine e atij qe i di gjerat dhe nuk ka nevoje t’ja tregoj kujt. Gjethet e pemes leviznin here pas here nga forca e litarit te lidhur ndermjet shpetise se Migenes ne katin e pare dhe pemes. Litari apo teli i rrobave sherbente si rrjete e fushes se improvizuar te volejbollit.

Sa vajza e djem kane hipur ne ate peme per te pare madheshtine e vepres tone. Dhe ne shpiknim legjenda te tera lidhur me shtepizen, pemen dhe se si ajo tashme ishte e jona.

Film i ri, koncert i ri

2010-05-12T15:41:00.009+02:00

Po filloj me ate qe me dha ne pergjithesi nje ndjesi negative. Pra po filloj me filmin e fundit qe pashe ne kinema, Liza ne boten e çudirave te Tim Burton. Film ne 3D i pajustifikuar. Shume pak skena kishin efekte 3D dhe as krahasohej me filmin "Avatar" te James Cameron i cili ishte nje mrekulli ne teknologji. Pra 2€ me shume te paguara per efektet 3D ishin te pajustifikuara. Ne fund te filmit dolem te pakenaqur per keto arsye, asnje risi dhe ne skenar filmi ishte trajtuar sikur te ishte nje film i rendomte ku magjia e fantazise mezi egzistonte. Pike pozitive: kostumet, ngjyrat, loja e aktoreve dhe grafika ishin te nje cilesie te larte.

Kurse koncerti i Saez me dha nje ndjesi krejtesisht tjeter. Liri, kenaqesi te degjuarit kenge me tekste te angazhuara, ne te cilat shoqeria ku jetojme denohet dhe padrejtesite preken me force per te mos i harruar. Nje muzike rrok qe te bente qe çdo qelize e trupit te kercente nga kenaqesia dhe salla te kendonte ne pambarim me idhullin e saj. Ky stil i orientuar Rock ne fillim me befasoi sepse ndryshonte ndjeshem ne krahasim me ate çka kisha degjuar ne albumin e fundit J'ACCUSE. Ne fund te koncertit, kater here Saez u rikthye ne skene pas thirjeve te publikut qe mbushi plot sallen per te dyten dite rresht. Ne fund ai pershendeti me koke dhe tha: Allez au revoir.

Bilbili dhe Laraska

2010-02-09T23:14:00.005+01:00

Nje dite u takua bilbili dhe laraska. Ata po grindeshin se kush kendonte me bukur. Aty prane po kalonte nje derr, i cili kur i pa te grindeshin i pyeti perse? Laraska ju lut qe ai tu thoshte sekush e kishte zerin me te bukur. Pasi i degjoi te dy dhe u mendua pakez derri dha verdiktin: laraska kendon me bukur. Bilbili filloi te qante me denese dhe derri i tha se ishte normale qe ai qante pasi nuk kishte zerin me te bukur. Bilbili u kthye e ne denese e siper u shpreh: Jo nuk qaj sepse kam zerin me te shemtuar, por sepse u gjykova nga nje DERR.

Kete pjese e pashe ketu dhe desha ta ndaj me ju.

Rent or marathonomak ose mens sana in corpore sano

2010-01-06T09:53:00.004+01:00

Duhet te ishte nje nga premtimet qe i bejme vetes ne fillim te vitit te ri. Por i dola pak perpara ketij premtimi dhe u regjistrova qe ne fillim te tetorit ne nje klub atletike. Nuk eshte nje klub ku duhet te thyej rekorde apo te arrij i pari. Eshte nje klub i cili ne frengjisht quhet Athlé Santé - Atletike dhe Shendet. Tre stervitje ne jave: te premten, te shtunen dhe te djelen. Une per momentin jam ne dy stervitje ne jave dhe me pas nga pranvera filloj te tretin. Eshte nje mrekulli e vertete. Jemi nje grup prej 30 atletesh ;-), te moshave te ndryshme dhe kenaqemi sikur te ishim femije. Programi i nje stervitje normale: 1/2 ore vrap te lehte per te ngrohur muskujt, 1/2 ore ushtrime te pergjithshme per forcim muskujsh, 1/2 ore vrap te shpejte per forcimin e zemres dhe ne fund shkryqje te muskujve. Nga pjesa e dyte e titullit ne latinisht do te kuptoni qe eshte nje rilindje e vertete te cilen jua rekomandoj. Kushedi nje dite do te marr pjese ne nje gjysem maratone per te vazhduar me nje te vertete.

Tirana, je t'adore

2009-12-29T10:41:00.004+01:00

Tirane: erdha te pashe. Ti ishe me e bukur se ç'imagjinoja, ti ishe me e bukur se ç'enderroja, ti me kenaqe pa mase me ngrohtesine qe me fale. Ti me bere te ndjehesha mrekullisht mire. Jam ne avion dhe malli me ka marre tashme shume per ty. Por nuk trishtohem pasi atje ku po shkoj nje fole e ngrohte dashurie me pret dhe nje takim me ty kam arritur te rrembej.

Ultimatumi klimatik

2009-11-20T10:32:00.006+01:00

Qellimi: Mbledhja e 1.000.000 firmave per mbrojtjen e mjedisit perpara shume te rendesishmit Samitit te Kopenhages, organizuar nga UN. Per te hedhur firmen, e-mail juaj mjafton, duhet te shkoni ketu.

Koncerti i Charlie Winston

2009-11-16T14:33:00.015+01:00

Mbreme ishim ne koncertin e Charlie Winston ne sallen e spektakleve Olympia te Parisit. Koncerti ishte nje moment muzikor i paharrueshem. Çdo kenge fillonte me nje vegel muzikore te ndryshme, dy here Çarli filloi me beatbox dhe nje here nje muzikant luajti sitar-in indian, dhe qe dalengadale kalonte me mjeshtri ne tingujt e kengeve te njohura nga e gjithe salla qe i kendonte dhe i shoqeronte. Nga mesi i koncertit Çarli elektrizoi sallen duke zbritur dhe kenduar ne mesin e spektatoreve, te cilet qe nga ai moment qendruan ne kembe duke kenduar dhe kercyer deri ne fund. Ah fundi ishte momenti me interesant pasi koncerti mbaroi dhe spektatoret me duartrokitjet dhe thirrjet "Çarli Çarli Çarli" bene qe ai te rikthehej tre here dhe te kendonte kenge te reja. Nga koncertet e Travis, Pink dhe Seal qe kemi ndjekur, ky ishte nga me te bukurit dhe me nje improvizim te shkelqyer.
Ne nje moment nje spektatore i tha: Çarli te dua;
Ai ju pergjigj me nje shprehje qe beri te qeshe e gjithe salla: Çarli eshte kitaristi dhe jo une.

Fotot e koncertit mund ti gjeni ketu.

Hidraulik, Elektriçist, Marangoz ...

2009-09-28T14:44:00.014+02:00

Nje dite po kerkoja video te cilat mund te me ndihmonin per te nderruar letren e murit. Per kete kam shkruajtur ne nje nga titujt e meparshem. Kjo eshte foto e marre pas punes se kryer.
Miku im google me dha disa adresa interesante por adresa e meposhtme eshte me shume se interesante. Pra ne te do te gjeni video te cilat pershkruajne sesi te heqim dhe vendosim letren e murit, te kryejme rregullime te ndryshme hidraulike etj. Per te zgjedhur ne videot e ndryshme shkoni ne menune djathtas.

Le te rendis disa prej tyre.
1. Video per riparime hidraulike.
2. Video per letren e murit
3. Video per elekriçist

Per me shume mund te ndiqni kete lidhje.

U2 Magnificent - Albumi i ri "No Line On The Horizon"

2009-04-23T09:28:00.003+02:00

U2 * Magnificent * Good Morning America - Fordham University
par musiclover4

Makine llogaritese

2009-03-18T15:00:00.013+01:00

eCalc eshte nje makine llogaritese ne linje qe kryen shume llogaritje nga ato me te thjeshtat deri tek ato me te nderlikuarat. Nje mjet te tille e enderroja kur isha ne gjimnaz ose ne shkolle te larte pasi merr persiper llogaritje qe shkojne nga algjebra, gjeometria dhe trigonometria deri tek fizika. Ne foton e bashkangjitur do te vini re te gjitha mundesite e konvertimit te njesive te gjetesise, volumit, shpejtesise, mases etj. Pra per mua eshte nje makine llogaritese mjaft e plote dhe e rralle. Ju ftoj te vizitoni faqen e internetit dhe ta perdorni pa kufizim. Une po e shtoj qe tani ne listen e lidhjeve te nevojshme.

Erald 1 vjeç

2008-12-12T17:47:00.004+01:00

Eraldi sot mbush 1 vjeç dhe ne prinderit e tij jemi te lumtur. Ky vit kaloi shume shpejt, me shpejt se çdo vit tjeter, me shpejt se çe kishim imagjinuar. Ky vit kaloi mbi te gjitha i mbushur me gezim, me hare, me muzike :-) dhe plot ngjyra te larmishme. Habiteshim kur prinder te tjere na thoshin: gezoni pasi koha kalon shume shpejt. E pra miq ky vit vertet vrapoi por na la kujtimet me te bukura te jetes tone. Duke pritur vite akoma me te bukura ju uroj Festa te mbara.

Magjike

2008-11-21T22:38:00.005+01:00

Do te desha t'ju prezantoja albumin me kenge te nje kengetareje me ze magjik. Grace e kam degjuar per here te pare ne deezer dhe nuk rrija dot pa jua prezantuar albumin e saj Hall of Mirrors. Djathtas do te gjeni te gjithe repertorin me kenget e ketij albumi. Per me shume mund vizitoni sitin e saj te internetit ose faqen e saj ne MySpace. Nese nuk keni ide per dhurate per shoqet tuaja per vit te ri ky album eshte great :-).

The Doors - People are Strange

2008-10-13T22:59:00.004+02:00

pa fjale

Matematike, Algjeber dhe Trigonometri

2008-10-04T15:16:00.006+02:00

Ata qe kane pasion matematiken, algjebren ose trigonometrine do te kenaqen me kete faqe webi: mathway. Ne te mund te zgjidhim problemet hap pas hapi dhe me e bukura eshte qe mund te ndertojme dhe grafiket nga me te komplikuarit p.sh. trendafili, imazhi i bashkengjitur, eshte grafiku i funksionit r=4sin(6[theta]).
Ju uroj nje studim te kendshem :-).

jogging, course à pied apo vrap

2008-07-15T19:12:00.005+02:00

Dje fillova me kenaqesine me te madhe vrapin tek liqeni dhe t'ju them te drejten ishte si shpirt. Sa here e kam filluar dhe po aq here e kam lene per arsye te ndryshme kohe ;-). Nejse uroj qe kesaj radhe te mos kete me arsye te tilla dhe une te arrij te vrapoj dhe ne dimer (uhuu sa larg). çfare me pelqen ne vrap eshte kontakti me natyren dhe limitet e palimituara :-). Nuk eshte si basketbolli, ne te cilin jam kredhur per 6 vjet nga klasa e 3 deri ne te 8-en, ne nje salle te mbyllur ose jashte ne fushe zifti. Megjithate basketbolli eshte si shpirt dhe ndoshta kete vit qe vjen, ne shtator, mund te regjistrohem ne ndonje klub lagje sa per te kujtuar kohrat e vjetra dhe per te pare a shenoj me tre pikesha :-).
Le te rivijme tek vrapi dhe pasioni per te. Per ta ushtruar saktesisht duhen dhe mjetet e duhura. Per kete kam blere nje pale Asics, do te blej nje kostum sportiv vere dhe me pas nje dimri. Le te shpresojme qe sporti te fitoje :-).

Administration d'un environnement Windows Server 2003

2008-07-03T21:36:00.007+02:00

Kjo eshte java e formacionit per mua me temen administrim i serverave Windows Server 2003. Programin e ketij formacioni ne frengjisht mund ta gjeni ketu.
Ky eshte formacioni i dyte i ketij viti. I pari ishte mbi temen e rrjeteve informatike.
Qendra e formimit gjendet ne lagjen e xhamte te Défense, ku ma ka enda te shetis me koken lart dhe ku njerezit jane si milingona te bukura. Nje gje vura re kete jave, shumica e zyrtareve vishen me ngjyra te errta dhe gri. Kjo gje binte ndesh me bluzat e mija plot ngjyra dhe sportive. Pra kete jave jam njesh me turistat jo te paket qe vershejne ne kete qender super moderne.

Dikur, para 6 vjetesh, kam punuar ne nje nga keto kullat e bukura dhe moderne. Kohera te bukura por ku jeta hecte shume shpejt dhe ishte eksperienca e pare ku u njoha me boten e eger te "punes kapitaliste" :-)).

Formacioni i trete do te jete ne muajin shtator dhe do te kete si teme administrimin e sistemeve operative SOLARIS.

Pushime ne Calvi

2008-06-25T09:02:00.006+02:00

Pushimet ne Calvi ishin te shkelqyera dhe te lodhshme :-). Shtoji kesaj dhe faktin qe kesaj radhe Eraldi ishte me ne i bente keto pushime edhe me te bukura. Djelli, deti, rera e imet dhe e bardhe si ajo e Durresit te dikurshem, plazhi i pamate qe shtrihej ne gjithe gjirin ne forme unaze te Calvi-t dhe mali qe qendronte mbrapa nesh benin qe te ndjeheshim mire dhe te shplodhur.
Porti i Calvi-t ku ankorohen nga anijet me lluksoze ne bote ishte shetitorja e mbremjes dhe vendi ku akullorja shijohet kendshem.
Djelli perendonte reth ores nente perpara syve tane duke na lene disa çaste te humbur ne ngrohtesine e romantizmit.

Ile Rousse ishte nje qytet tjeter bregdetar i Korsikes qe vizituam me shume kenaqesi, plazhin e te cilit e gjetem po aq te bukur sa plazhi i Kakomese dhe ujin e detit po aq te ngrohte sa ai i Patres. Restorantet e peshkut dhe te frutave te detit ishin te mrekullueshem dhe vera e bardhe vendase bashkohej shume bukur me shijen e peshkut te pjekur ne zgare.

Me ne fund djell

2008-05-11T18:06:00.005+02:00

Siç e thote dhe titulli me ne fund patem nje jave plot djell, si ai djelli i Tiranes qe te ngroh dhe te pervelon gjithe kenaqesi. Nxorem kemishat dhe bluzat me menge te shkurtra nga thellesite e dollapeve dhe shpresojme qe ti mbajme jashte per nje kohe te gjate, te pakten keto muajt e veres. Eh po, me mendjen time jame ne vere dhe ne breg te detit. Per te prekur pak kenaqesine e detit, te jodit dhe çlirimit nga skllaveria dimerore do te shkojme se shpejti 2 dite prane Oqeanit Atlantik. Ne qershor po, do te kemi pushimet e mirepritura qe ju shume shpejt do te gjeni se ku do ti kalojme. Nuk e di nese ankohen ndonjehere njerezit qe jetojne prane detit dhe ku ben ngrohte? Nuk dua ti pergjigjem kesaj pyetje pasi endrra ime eshte qe te jetoj ne nje vend ku te zgjohem dhe te shoh detin, te mos laj syte me uje çesme por te hidhem dhe te kridhem ne det, ashtu siç gjyshi im i shtrenjte bente ne Stamboll.

Informatike - Take A Break

2008-04-28T15:36:00.005+02:00

Do te desha t'ju tregoja nje aplikacion (software) te thjeshte qe me terhoqi vemendjen dhe qe e perdor ne pune. Nuk e di nese ju ka rene rasti, mendoj se po :-), qe te punoni me ore te tera pa u ngritur nga zyra dhe pa bere asnje minute pushim pasi jeni te perkushtuar dhe nuk shihni kohen te vrapoje. Ja pra une per vete kam gjetur zgjidhjen dhe kam ngarkuar kete aplikacion te thjeshte (TakeABreak), qe me thote kur kam 1, 2, 3 ore pa hequr syte nga kompjuteri. Ngarkojeni dhe do te jeni te kenaqur. Siç thote mema ime e shtrenjte Ujet e detit dhe puna e "shtetit" nuk kane te sosur.

Muzike - Albumi muzikor i momentit

2008-04-22T17:33:00.008+02:00

Albumi qe degjoj me shume keto kohet e fundit eshte La vida es un ratico i Juanes. Keto kohet e fundit bashke me gjysmen time na pelqejne shume albumet me kenge ne gjuhen spanjolle. Ne fakt ky album nuk eshte aq i bukur sa ai i meparshmi Mi sangre por na pelqen prap se prap :-). Kenga qe me pelqen me shume ne kete album eshte Me Enamora. Videon e kasaj kenge po e ve me poshte. Degjim te kendshem.

Meteo - Per dite me te bukura

2008-04-18T14:46:00.012+02:00

Fotografia e pare eshte marre me date 7 prill 2008 ne nje qyetet te vogel ne lindje te Parisit. Pra miqte e mi kur shume nga ju kane dale me menge te shkurtra, ne vazhdojme te mos heqim xhupat dhe palltot. Ne dy vitet e fundit bora ra ne muajin mars dhe kete vit patem fatin ta kemi ne prill. Megjithate presim dite me te bukura per te shijuar pranveren. Ah nostalgji per pranveren ne Tirane, mimozat qe me kenaqnin me aromen e tyre, gallatat tek liqeni me shoqerine. Kete jave, fotografia e dyte, patem dite te bukura dhe shetitjet ne park jane shume te mirepritura.

KIMI - Tabela interaktive e Mendelejev-it (Mendeleïev)

2008-03-31T12:00:00.004+02:00

Me thene te drejten kur isha ne gjimnaz kimia nuk ishte lenda ime e preferuar, por tabela e Mendelejevit dhe kapitulli i hibrideve me terhiqnin gjithmone. Ja pra sot ne te rejat teknike qe me vijne me email pashe qe dikush i papertuar e ka ndertuar kete tabele ne menyre interaktive, nuk e di a ju mbahen mend kartonat qe benim
me ngjyra. Po ju le ta zbuloni dhe per te thekurit e kimise ta zhbiriloni :-).

Pushime baballaresh ne France

2008-03-26T14:12:00.007+01:00

Kisha deshire t'ju flisja per 11 dite pushime qe kalova me tim bir.
Ligji francez lejon baballaret te marrin nje leje pune prej 11 ditesh nese jane bere me femije. Keshtu qe dhe une perfitova nga rasti qe na dha djali (shteti francez) dhe kalova 11 dite te mrekullueshme me tim bir. Po ti shtosh ketyre dhe 3 ditet e pushimit qe mund ti marresh ne momentin e lindjes se femijes, te behesh baba ne France eshte diçka e papare. Kjo per faktin qe baballaret kane gjithe kohen per te perfituar nga momentet e magjishme te lindjes se nje femije. Merci la France.

Astronomi ne Google

2008-03-21T18:56:00.009+01:00

Per te apasionuarit e astronomise Google nuk ndalet pa na bere surpriza te reja. Pasi integruan harten e yjesise ne programin Google Earth, tani kane ndertuar nje faqe te veçante me harten e yjesise. Ju terheq vemendjen per zgjedhjet jo te pakta ne fund te faqes. Ju uroj nje udhetim te mbare ne yjesite me te largeta :-).

Shqiperia ne zi

2008-03-16T18:22:00.003+01:00

Diktatura edhe sot na goditi me armet e saj si per te na thene qe nuk eshte e thjeshte te ndahemi nga ajo. Edhe sot armet e saj vrane dhe plagosen.
Ngushellime te dashur dhe uroj qe tragjedi te tilla si e Gerdecit te mos perseriten me kurre ...

Muzike - Kenga e momentit

2008-02-26T16:04:00.004+01:00

Kenga qe me pelqen shume per momentin eshte "Jailer" e Asa. Kur e degjoj ne makine nuk mund te ri dot pa kenduar dhe levizur.

Kosova is now Independent

2008-02-18T16:27:00.009+01:00

E bukur dhe plot djell ishte dita e djeshme. E mbushur plot emocion dhe dhembshuri ishte e mbushur zemra ime. Te falem Kosove dhe te uroj udhe te mbare ne krahun e djathte te Shqiperise tone te dashur. Brezi yne eshte brezi me me fat, pasi kjo dite eshte e madhe dhe mrekullueshme per çdo Shqipetar. Eshte nje dite qe breza te tere Shqipetaresh do te njohin me emrin PAVARESI.
Pavaresi nga çnjerezimi, liri per te folur Shqip, liri per te dashuruar Shqip, liri per te kenduar dhe per te jetuar Shqip. Shqiponja po fluturon e lire me te dy flatrat e saj.
Ja dhe letra qe i dergon presidenti i Frances Nicolas Sarkozy presidentit te Kosoves Fatmir Sejdiu per njohjen e Pavaresise.
Ti Shqipëri, më jep nder, më jep emrin shqipëtar,
zemrën ti ma gatove plot me dëshirë e me zjarr.

Tecktonik Bis

2008-01-18T22:00:00.000+01:00

Dikur ju kam folur per nje fenomen mode ketu ne France, qe eshte kercimi Tecktonik. Ka nje jave qe mesova qe nipçja ime, qe eshte gjithe ai djale (marshallah), kercen ne menyre te shkelqyer dhe ka hapur nje blog, ku vendos video te tijat, qe shihen nga miliona internetista ne te gjithe boten. Shikoni dhe admironi (nipçja eshte djali i pare qe kercen)...

Emer Shqipetar

2007-12-25T22:31:00.001+01:00

Mbasi morem vesh qe bebi ishte djale na lindi pyetja ç'emer do ti vinim. Sigurisht qe koha qe kishim ne dispozicion ishte sa e gjate dhe aq e pamjaftueshme, pasi te maresh nje vendim per emrin e birit nuk eshte gje e thjeshte. Pas nje reflektimi disa mujor vendosem qe ti vinim nje emer Shqipetar qe tingellonte bukur dhe ne frengjisht, qe nuk kishte nevoje per thekse dhe shtesa te tjera te gjuhes frenge, pra me nje fjale nje emer te thjeshte dhe te bukur. Ne kete moment fantazia dhe deshira per te bukuren luajten rolin e tyre. Sot jemi shume te kenaqur me zgjedhjen qe kemi bere. Po ju çfare do te pelqenit, nje emer Shqipetar apo te huaj?

DJALE

2007-12-17T00:56:00.000+01:00

Te merkuren me 12/12/2007 ne maternitetin e nje qyteti te vogel te Frances ne lindje te Parisit lindi djali yne. Eshte nje moment shume i rendesishem dhe shume i gezueshem per familjen tone. Zemra e vogel dhe e shtrenjte eshte kaq e pafajshme sa ne e shohim me admirim dhe me dashuri papushim. Mendoj qe jeta jone ka ndryshuar nje here e pergjithmone . Dhe ky eshte fillimi i nje udhetimi te mrekullueshem.
Fli djelli im.

Kinema - Filmat e fundit

2007-12-02T15:37:00.004+01:00

Kata jane filmat e fundit qe kam pare ne kinema keto weekend-et e fundit.

Les Promesses de l'ombre (fr) - Eastern Promises (en) me aktoret Viggo Mortensen, Naomi Watts, Vincent Cassel etc.
Aktoret qe me pelqyen me shume ne lojen e tyre: Viggo Mortensen dhe Naomi Watts.
E reja apo gjetja: te gjithe te fortet qe kane bere burg ne Rusi e kane gjthe trupin me tatuazhe ku tregojne historine e jetes se tyre. Sa me shume grada te kesh pasur ne ushtri, sa me shume burgje te kesh bere aq me e madhe eshte harta qe te mbulon trupin. Film i bukur me disa skena jo pak te dhunshme.

Lions et agneaux (fr) - Lions for Lambs (en) me aktoret Tom Cruise, Meryl Streep, Robert Redford.
Aktorja qe me pelqeu me shume ne lojen e saj: Meryl Streep.
Ky film i cili u shit per nje film filozofik dhe me nje permbajtje te thelle nuk me la asnje pershtypje perveç asaj qe te gjithe e dine prej kohesh.
Megjithese jetoj ne France prej tete vjetesh nuk arrij dot ta kuptoj cmiren qe francezet kane per amerikanet. Une per vete i admiroj dhe u them faleminderit per nderhyrjen ne Kosove. Te ishte per keta filozofet europian kushedi ku do te ndalte kasaphana serbe.

Les Femmes de ses rêves (fr) - The Heartbreak Kid (en) me aktoret Ben Stiller, Michelle Monaghan, Malin Akerman.
Aktoret qe me pelqyen me shume ne lojen e tyre: Ben Stiller dhe Michelle Monaghan.
E reja apo gjetja: detyro ishin qe te vjedhi per te gjetur te dashurin e ri !!!
Film humoristik i klases mesatare. Shkoni per ta pare nese nuk keni gje per te bere.

Filmi i ardhshem qe kam deshire te shoh ne kinema eshte American Gangster.

28 Nentor - Dita e Pavaresise

2007-11-28T18:38:00.005+01:00

Gezuar 28 nentorin - Diten e Pavaresise.
Ju pershendes me vargjet e madherishme te Pashko Vases.

Coniu, shqyptarë, prej gjumit çoniu,
Të gjithë si vllazën n'nji besë shtërngoniu,
E mos shikoni kisha e xhamia:
Feja e shqyptarit asht shqyptaria!

Permis de conduire - Patenta e makines

2007-11-22T12:10:00.000+01:00

Sot me 22 nentor u bera me 12 piket maksimale qe ka patenta ne France. Po shpjegohem. Sot tre vjet me pare arrita te marr patenten franceze, pas nje provimi teorik te kaluar qe heren e pare dhe atij praktik te kaluar heren e dyte, e gjitha kjo me kushtoi afersisht 1500€. Ne ate kohe sapo kishte dale nje ligj ku thuhej, qe te gjitha patentat e marra duke filluar nga nje date e caktuar nuk do te kishin qe ne fillim 12 piket maksimale por vetem 6 pike. Kjo patente ka nje emer: le permis probatoire. 6 piket e tjera une do ti fitoja vetem pas tre vjetesh vozitje pa gjoba dhe pa shkelje rregullash rrugore. Domethene kushti i detyrim percaktimit ishte qe nuk duhet te humbja asnje pike tjeter.
Sistemi Francez eshte qe per shkeljet e rregullave rrugore, sipas rendesise, te hiqen pike nga patenta derisa ti ngelesh pa patente fare. Per te mos humbur patenten egzistojne stazhe te ndryshme te cilat bejne qe te fitosh 4 pike te humbura, d.m.th. kur ne patente te ngelen vetem 1 ose 2 pike, mire eshte qe te regjistrohesh ne nje te tille. Kur ne fund nuk te ngelet asnje pike atehere duhet te kalosh dhe nje here te gjitha provimet nga fillimi. Kurajo miqte e mi.
Kur mendoj qe kisha nje patente Shqiptare dhe kjo nuk me vlen fare ..., sigurisht me vlen ne Shqiperi ku nuk ma mban te vozis as edhe nje sekonde.

Prison Break - Seria e preferuar

2007-11-19T17:20:00.000+01:00

Ashtu siç thote dhe titulli kjo eshte seria ime e preferuar. E preferuar sepse eshte nje koncept i ri, eshte nje seri me skenar qe te le pa fryme dhe ka nje temporitem te jashtezakonshem. Personazhet jane gjetur ne menyre perfekte duke gershetuar humanizmin, instiktin e te mbijetuarit dhe dinakerine.
Tani jam duke pare sezonin e trete dhe serine e tete, pra te fundit fare.
Ne sezonin e pare Michael ndihmon te vellain te dale nga burgu i sigurise se larte ku eshte futur per denim me vdekje. Ambjent i erret dhe i frikshem, ku te kesh shoke do te thote te kesh jeten e gjate.
Ne sezonin e dyte vellezerit jane arratisur nga burgu por me çfare çmimi!! Jeta jashte burgut nuk ndryshon shume nga ajo brenda tij.
Ne sezonin e trete e ka radhen Michael te gjendet ne nje burg te sigurise se larte ne Panama. A do te mundet dot te arratiset?

Pavaresi per KOSOVEN

2007-11-14T11:49:00.001+01:00

Shperndajeni miqte e mi.

Lyon - Marseille 1-2

2007-11-12T14:23:00.000+01:00

Kete weekend mezi po prisja ndeshjen e futbollit Lyon - Marseille. Nuk e di po kam pershtypjen qe te gjithe Shqiptaret qe jane ne France dhe qe ndjekin futboll kane Marsejen si ekipin e zemres. Une per veten time kam dy, Marseille dhe PSG. E di qe ky binom ne France eshte i barabarte me armiqesi disa dhjete vjeçare dhe ndeshjet e tyre jane derbi ashtu siç eshte ne Itali Inter - Juventus, Inter - Milan ose Roma - Lacio etj. Por une duke qene se kam vetem 8 vjet qe ndodhem ne France nuk e kam kete ndjesi dhe keta francezet qe njoh ngelin gojehapur kur u them kush jane ekipet qe ndjek me shume. Une te them te drejten ne fillim nuk e ndiqja futbollin francez pasi me dukej shume i ngadalte dhe jo spektakolar. Me pas degjova qe ne PSG luante Lorik Cana dhe Edvin Murati, dy shqiptare qe sot kane fame ne ekipin kombetar. Duke u interesuar per keta dy te fundit fillova te ndjek dhe PSG, qe ne ate kohe kishte ne perberjen e vet dhe Ronaldinjon. Me pas Cana kaloi tek Marseille. Sot Cana eshte kapiten i ekipit te Marsejes, pozicion qe e meriton plotesisht po te shikosh pjekurine e tij brenda dhe jashte fushes se lojes. Po ti referohem psese se ketij mesazhi do te thosha qe Marseja dje me ka kenaqur shume duke mundur 2-1 ekipin e padiskutueshem te Lionit. Dhe me e bukura eshte se vellai im i madh me tha para ndeshjes qe Marseja do te fitonte. Te lumte goja vellaçko.

Rihanna

2007-11-08T16:17:00.000+01:00

Ja pra po ju prezantoj kengetaren qe me pelqen me shume kohet e fundit. Per mua eshte nje Madonna e dyte ne kohen e vet persa i perket suksesit, popullaritetit dhe kengeve plot ritem.

Ditelindje

2007-11-05T10:43:00.000+01:00

Gjithmone i kam pasur dhe i kam qef ditelindjet. Kur isha i vogel prindi kurre nuk harronte dhe gjithmone e shnderronte kete dite ne feste per gjithe familjen. Duke i shtuar kesaj dhe festen me gjithe shoqerine e klases, gjimnazit e me pas te universitetit s'kishte gje me te bukur. Kete tradite mundohem ta mbaj edhe tani qe u rrita :-). Por tani kush eshte qe me pelqen me shume eshte kur ma uron zemra ime ;-).
Sigurisht qe dhe dhuratat kane rendesine e tyre. Kasaj radhe dhurata ishte nje Samsung SGH-U700V. Cool kjo loder, aparat fotografik dhe telefon ne te njejten kohe (uhuuu) me gusta mucho. Mezi po pres Vitin e Ri :-)).

Vélib'

2007-10-31T11:51:00.000+01:00

Si Inxhinier Mjedisi qe jam ne origjinat e mija nuk mund te ri pa folur per nje fenomen te shoqerise pariziane. Vélib' eshte nje sherbim qe ofron bashkia e Parisit per te gjithe ata qe jetojne, punojne ose vizitojne Parisin. Nepermjet nje pagese mund te marrim nje biçiklete me qera, ku gjysem oreshi i pare eshte falas. Biçikletat jane te vendosura neper 750 pika te posaçme prane stacioneve te metrose, keshtu qe kemi te drejte te zgjedhim metrone ne nje dite me shi ose biçikleten ne nje dite me djell, dhe ne fund te udhetimit duhet ti çojme ne stacionin e metrose me te afert. Me shume informacion gjejme ne sitin e Paris.fr. Nje bravo te madhe kryebashkiakut te Parisit i cili po ndjek nje politike mjedisore te shkelqyer dhe pa komlekse. Nje ide e vene ne jete dhe ne qytete te tjera te Frances si Marseille, Lyon, Besançon, Aix-en-Provence dhe Mulhouse ose "jashteshtetit" Sevilje dhe Bruksel.

The Beatles - And I Love Her

2007-10-29T14:44:00.002+01:00

Me kengen me te bukur te bitellsave po hap nje rubrike ku do te paraqes kenget qe kane bere epoke ne jeten time. Beatles, grupi qe kemi degjuar, ndjere dhe qe na ka dhene kaq shume kenaqesi. Te mahnitshem.

Stardust - le mystère de l'étoile

2007-10-27T23:18:00.000+02:00

Kete film po e prisnim me padurim sidomos po ti referohemi titullit qe i perket nje fushe qe na intereson shume: Astronomia. Filmi nuk kishte te bente shume me kete fushe por na pelqeu prap se prap. De Niro fantastik, Pfeiffer gjithmone e re, loja e aktoreve shume e mire, skenari dhe filmi magjik na bene per vete dhe na mbajten pa fryme deri ne fund. Film ku dashuria eshte yll.

Tecktonik

2007-10-25T12:13:00.000+02:00

Tecktonik nuk eshte nje emer gjeologjik si mund te mendojne disa por nje mode e re e kercimit ne France. Ky kercim eshte duke mare permasa te papara ne France, e shohim neper rruge, neper emisione TV etj.

l'engrenage

2007-10-21T22:15:00.001+02:00

I kam shume qejf filmat me metrazh te shkurter, sidomos kur jane te bere mire. Shikoni dhe shijoni. Asgje nuk eshte me e shtrenjte se liria.

Restaurant Olympe Sports Café

2007-10-16T13:48:00.000+02:00

Gjate kohes kur isha ne kursin nje javor, vizitova per dreke nje restorant shume simpatik dhe me ushqime shume te shijshme. Kur je ne kurs firma te paguan dreken deri ne nje shume prej 15,50 €. Keshtu qe dhe une perfitova nga rasti qe mu dha dhe vizitova disa restorante gjate nje jave. Olympe Sports Café ishte me i miri persa i perket pritjes, gje qe ne Paris nuk eshte tradite, pjatave te bollshme dhe me ushqime shume te fresketa. Duke i shtuar kesaj qe kisha nje pamje te shkelqyer te Château de Vincennes dhe bente nje kohe shume e bukur mund ti them veç faleminderit firmes. Merci beaucoup.

Probleme me Freebox

2007-10-12T14:19:00.000+02:00

Free eshte furnizuesi jone i internetit. Ky furnizues na ofron sherbimet e meposhtme: internet me shpejtesi te madhe ADSL, 100 kanale TV (shumica per tu hedhur ne plehra) dhe linjen telefonike falas per Francen dhe shume shtete te Europes. Dhe kjo per shumen 29.99 € ne muaj. Per ne kjo oferte eshte shume e mire dhe ploteson mjaftueshem nevojat tona.
Por çdo e mire e ka nje te keqe thote populli. Sot beheshin 2 jave pa internet, TV dhe telefon. Dhe kjo per arsyen se na u dogj ushqyesi ne nje dite te bukur plot djell. Ne fillim kujtuam se na u dogj i gjithe FreeBox, bile ne nje fare menyre sado paradoksale qe te duket na u be qefi, pasi do te kishim mundesine qe Free te na e nderronte me nje version me te ri p.sh. Freebox H.D. Por jo na ishte djegur vetem ushqyesi. Ketu fillojne dhe veshtiresite tona. Marrim ne telefon hotline, i cili na thote qe regjistroi incidentin dhe do te na dergoje ushqyesin e ri brenda javes. Javen e pare asgje. Llogjikisht ne fillim te javes se dyte i marr ne telefon dhe surprize. Personi e Free-se me thote qe ushqyesi eshte ne fazen e dergeses. Kurajo i them vetes, ne fund te fundit edhe disa dite dhe çdo gje do te jete ne rregull.
Sot me ne fund morem nepermjet postes te shumepriturin ushqyes dhe e testuam me nje fryme; çdo gje ishte ne rregull. Pra perfundimi eshte qe Free eshte i mire po te mos kesh probleme. Ciao.

Letra e murit

2007-10-08T17:25:00.000+02:00

Vendosem qe te heqim letren e murit ne njeren nga dhomat e apartamentit per ta zevendesuar me nje te re. Kur e nisem kete pune morem mendimin e shume personave. Disa thoshin qe eshte e thjeshte dhe disa e veshtire, disa thoshin qe duhet nje makine me avull dhe disa te tjere jo. Vendosem te perdorim nje produkt te lengshem, nje sfungjer dhe spatul. Pra bleme veglat e duhura dhe ja nisem punes. Menjehere kuptuam qe nuk ishte nje gje e thjeshte pasi letra hiqej copa copa. Ndruam produktin e lengshem, pasi ai qe kishim marre sipas porosise se nje "experteje" te dyqanit, nuk ishte i cilesise se duhur. Me produktin e ri puna heci per se mbari :-). Megjithate vendosem qe te heqim vetem letren e njerit prej mureve. Muret e tjera do ti leme me letren qe kane dhe persiper do te vendosim te rene. Nuk e di nese kjo ide eshte e mire apo jo. Wait and see.

Formation Administration Oracle 10g

2007-10-03T16:31:00.001+02:00

Nga e hena jam ne formation Administration Oracle 10g. Dhe kjo deri te premten e kesaj jave. Formacionet jane te shkelqyera pasi perveç faktit qe meson ne menyre te sakte konceptet dhe perdorimin, kane si qellim dhe rritjen e kompetencave profesionale. Per mendimin tim duhet gjithmone me kerku formacione firmes ku jeni ne pune.
Gjithmone i kam pasur qef Bazat e te Dhenave dhe Oracle ne veçanti. Kam pershtypjen se eshte çeshtje mentaliteti ose me mire te them eshte nga te vetmet dege te Informatikes qe i afrohet Inxhinierise.

MIGJENI

2007-09-28T17:42:00.000+02:00

Nuk e di po shpesh me vijne ne mendje vargjet e Migjenit te shkelqyer. Dhe atehere filloj te filozofoj, te ndjehem ndryshe dhe te bej perpara. Faleminderit Migjen i dashur per artin bashkekohor, shumedomethenes dhe njerzor qe na ke lene ne trashegimi. J'adore.

Kanga e Rinisë

Rini, thueja kangës ma të bukur që di!
Thueja kangës sate që të vlon në gji.
Nxirre gëzimin tand' të shpërthejë me vrull...
Mos e freno kangën! Le të marri udhë.

Thueja kangës, rini, pash syt e tu...
Të rroki, të puthi kanga, të nxisi me dashnu
me zjarrm tand, rini... Dhe të na mbysi dallga
prej ndjenjash të shkumbzueme q'i turbullon kanga.

Rini, thueja kangës dhe qeshu si fëmi
Kumbi i zanit të përplaset për qiellë
dhe të kthejë prap te na, se hyjt ta kanë zili

e na të duem fort si të duem një diell.
Thueja kangës, Rini! Thueja kangës gëzimplote!
Qeshu, rini! Qeshu! Bota asht e jote.

Come back - Rikthim

2007-09-27T14:22:00.000+02:00

Mbas shume koheve po kthehem blogu im i dashur. Kesaj radhe te jap fjalen qe do te vi shpesh dhe do te shkruaj gjera sa me te bukura, do te ndaj me ty gjerat qe me bejne pershtypje dhe qe me lene mbrese ne jeten e perditshme. Ne pergjithesi nuk do te kete gjera personale pasi nuk eshte vendi, por ndonjehere mund dhe te me shpetojne disa detaje. Pra le te rinisim udhen e lene dhe te zbulojme udhe te reja.

Gezuar 1 Majin

2006-05-01T17:45:00.000+02:00

Miredita te gjitheve,

Ky eshte mesazhi im i pare ne blogun tim te pare. Ju uroj nga zemra Gezuar 1 Majin - Festen e puntoreve. Kjo eshte festa e te gjithe ne qe punojme dhe fitojme me djersen dhe neuronet tona "buken" e gojes dhe konfortin e jetes.

Nje mendim i veçante u shkon prinderve tane qe na rriten dhe na edukuan me pune e ndershmeri.